Башҡортостан ФАП, поликлиникалар ремонтлауға аҡса ала

Һаулыҡ һаҡлау өлкәһенең беренсель звеноһын модернизациялауға федераль ярҙам булыуы ихтимал. Был турала хөкүмәттәге Оператив кәңәшмәлә Республика башлығы белдерҙе. Республикала медицинаның беренсел системаһын үҫтереү  — иң өҫтөнлөклө йүнәлештәрҙең береһе булып ҡала. Был мәсьләгә оператив кәңәшмәлә йәнә баҫым яһалды. Яҡын арала Рәсәй һаулыҡ-һаҡлау министрлығы төбәктәргә дотациялар бүлеү мәсьәләһен хәл итергә тейеш, тине Радий Хәбиров. Аҡсаларҙы һөҙөмтәле файҙаланыу бурысы ҡуйыла.