Радий Хәбиров Үзбәкстандың Сит ил эштәре министры урынбаҫары менән осрашты

Олимжон Абдуллаев етәкселегендәге делегация менән төбәк етәкселеге халыҡ-ара хеҙмәттәшлекте нығытыу мәсьәләләрен тикшерҙе. Республика башлығы билдәләүенсә Үзбәкстан беҙҙең өсөн стратигик партнерҙарҙың береһе булып ҡала. Хеҙмәттәшлек осоронда 14 килешеүгә ҡул ҡуйылған, Ташкентта даими вәкиллек асылған. Әле артабанғы хеҙмәтәшлек буйынса юл картаһы төҙөлә. Осрашыуҙа хеҙмәт миграцияһы мәсьәләләре лә ҡаралды. Былтыр Башҡортостанға башҡа дәүләттәрҙән 160 меңдән ашыу кеше килгән, уларҙың 75 проценты Үзбәкстандан.