Унда Рәсәйҙең һәм Бойондороҡһоҙ Дәүләттәр Берләшмәһе илдәренең төрлө ҡалаларынан профессиональ коллективтар ҡатнашыуы көтөлә.
Фестиваль программаһы менән “Башҡортостан” дәүләт телерадиокомпанияһының “Рәсәй” медиаүҙәгендә үткән конференцияла таныштырҙылар. Спектаклдәр Баш ҡаланың алдынғы театр майҙансыҡтарында: Мостай Кәрим исемендәге Милли йәштәр театры, Мәжит Ғафури исемендәге башҡорт академия драма театры һәм Өфө «Нур» дәүләт татар театры сәхнәләрендә күрһәтеләсәк.
Фестивалдә тетар сәхнәһенә 2022 йылдан һуң сыҡҡан спектаклдәр генә ҡатнаша ала. Ентекле һайлап алыу йомғаҡтары буйынса жюри 11 коллективты саҡырған. Программаға классик драматургия, милли әҙәбиәт әҫәрҙәренән алып хәҙерге заман авторҙарының пьесаларына һәм иң бәләкәйҙәр өсөн спектаклдәргә тиклем индерелгән.
