Быйыл Башҡортостанда йәшелсәселек буйынса үҙәк ойошторола. Ул Алексеевский совхозы нигеҙендә эшләйәсәк, тип хәбәр итәләр Ауыл хужалығы министрлығынан.
Кластерҙа белгестәр әҙерләү, эшҡыуарлыҡ һәм уҡыу йорттары араһында хеҙмәттәшлек булдырыу, сит ил баҙарҙарын өйрәнеү, Башҡортостан тауарҙарын һатыу менән шөғөлләнәсәктәр. Ябыҡ грунтта үҫтерелгән йәшелсәләрҙең күләмен арттырыу өҫтөнлөклө проекттарҙың береһе булып иҫәпләнә.
