Унда тарифтарҙы арттырыу тураһында айырым әйтелгән. Тап шуға күрә лә, шәхси файҙаланыу өсөн сит дәүләттәрҙән индерелгән автомобилдәргә хаҡтар күтәрелә. Тарифтар бер-нисә мең һумдан миллион һумға тиклем етеүе ихтимал. Транспорт баҙарындағы яңылыҡтар менән хәбәрсебеҙ Ильяс Ҡотошев танышты.
Шулай итеп, Рәсәйҙең автомобиль баҙары хәҙер яңы ҡанун буйынса йәшәй башланы. Сит ил автомобилдәренә утиль йыйымын иҫәпләү был дүшәмбенән айырым ҡағиҙә буйынса башҡарыла. Был күрһәтмә ил Хөкүмәте тарафынан айырым раҫланған. Төп яңылыҡтарҙың береһе — шәхси ҡулланыу өсөн индерелгән һәм ҡеүәте 160 ат көсөнән күберәк булған машиналарға ташламалы утиль йыйымы тулыһынса ғәмәлдән сығарыла. Быға тиклем ҡулланыуҙа 3 йыл булған автомобилде үтилләштереү өсөн 3 мең 400 һум, ә файҙаланыуҙа 3 йылдан күберәк булған транспорт сараһының утиль йыйымы 5 мең 200 һум ине. Яңы документтың үҙенсәлеген таможня хеҙмәттәре бына нисек аңлата. Яңы ҡағиҙә автомобиль хужаларына ҡатмарлыҡтар тыуҙыры ихтимал, ти белгестәр. Мәҫәлән, 1-се декабрҙән шәхси ҡулланыу өсөн индерелгән машиналарға утиль йыйымы коммерция фирмаларына билдәләнгән ставкалар буйынса йөҙ мең һумдан алып миллион һумға тиклем етәсәк. Был граждандар өсөн ҙур һәм өҫтәмә сығымдар тигән һүҙ. Сит ил маркаларына тағы ла хаҡ артыуы бар, ти ошо йүнәлештә эшләүсе белгестәр. Яңы ҡанун беренсе ноябрҙән үк ғәмәлдә булырға тейеш ине. Әммә, был документ ҡулланыусылар, йәғни, халыҡ араһында аңлашылмаусанлыҡ тыуҙырҙы. Икенсенән башҡа дәүләттәр Рәсәйгә үҙ автомобилдәрен импортлауҙы бермә-бер арттырыу юлын һайлай. Тап шуға ла федераль министрлыҡтар яңы ҡанунды ғәмәлгә индереүҙе бер айға оҙайтырға мәжбүр булды. Үҙгәрештәр таможна хеҙмәте эшендә лә сағылыш тапты. Башҡортостан таможняһы сит илдәрҙән килтерелгән автомобилдәргә документтарҙы әҙерлеүҙе тәьмин итер өсөн хатта шәмбе көнө лә эшләргә мәжбүр. Белгестәр әйтеүенсә, яңы ҡанунға бәйле үҙгәрештәр һөҙөмтәһе Башҡортостандың автомобиль баҙарында тиҙ арала сағылыш табасаҡ.
