Конкурсҡа Рәсәй Федерацияһының 34 субъектынан, Әрмәнстандан, Белоруссиянан 200-ҙән ашыу ғариза тапшырылған. Хәбәрсебеҙ Гөлфиә Мәҡсүтова сюжеты.
Өфөнән 14 йәшлек Аделина Кәримова был конкурста 4-се тапҡыр ҡатнаша. Һигеҙ йәшендә ҡыҙ, беренсе дәрәжә лауреаты була. Был юлы ла үҙ көсөн һанап ҡарарға булған. Алты йәшенән аккордеонды үҙ иткән ҡыҙ, киләсәктә билдәле музыкант булырға хыяллана. Конкурста ҡатнашыу өсөн ул ике әҫәр әҫерләгән.
Клавишалы аккордеонда уйнаусыларҙың "Аккордеониссимо" халыҡ-ара фестиваль-конкурсы быйыл 10- сы тапҡыр үткәрелә. Уның беренсе көнөндә музыка мәктәптәре уҡыусылары үҙҙәренең оҫталығын күрһәтте. Фестиваль-конкурс президент мәҙәни башланғыстар фонды ярҙамында ике форматта үткәрелә: ситтән тороп һәм көндөҙгө, ул 2-5 декабрҙә Өфө сәнғәт училищеһы нигеҙендә үтә. Конкурсҡа 200-ҙән ашыу ғариза тапшырылған.Жюри составына билдәле музыканттар, халыҡ-ара конкурстар лауреаттары, алдынғы музыкаль белем биреү йорттары уҡытыусылары саҡырылған.Конкурстың беренсе көнөндә Башҡортостан республикаһының рус халыҡ музыка ҡоралдары Йәштәр оркестры менән бергә сәхнәлә төрлө йәштәге солист-аккордеонсылар сығыш яһаны. Конкурс сиктәрендә аккордеонсы, композитор, Бөтә Рәсәй һәм халыҡ-ара конкурстар лауреаты Сергей Осокиндың Һәм «Рәсәй Чемпионаты», «Европа Кубогы» һәм «Донъя Кубогы» еңеүсеһе Никита Кузнецовтың концерты, Санкт-Петербург ҡалаһынан килгән ансамбль сығыштары ҡаралған. Конкурста ҡатнашыу бушлай. Гран-при яулаусы 100 мең һум аҡсалата премия аласаҡ. Фестиваль-конкурс сиктәрендә жюри ағзаларының оҫталыҡ дәрестәре, «Аккордеон һәм хәҙерге заман» ғилми-ғәмәли конференцияһы, түңәрәк өҫтәл, ҡунаҡтар өсөн киске концерттар һәм экскурсиялар, уҡытыусыларҙың белемен күтәреү курстары ойошторола.
