Башҡортостан лимондарының даны тотош илгә таралған. Бер гектар майҙан биләгән йәшеллек Рәсәйҙә иң ҙур лимонарий булып һынала. Унда 700-ҙән ашыу төр экзотик емеш һәм ағастар үҫтерелә.
Папайя йыл әйләнәһе емеш бирә, декабрь айында айырыусы уңыш күп була. Ағасҡа оҡшаһа ла, быны үлән, тип һанау дөрөҫөрәк. Донъяла папайяның мең төрлө сорты бар.
Папайя йәки ҡайын ағасының — тыуған ере Америка. Уның емештәре шифалы үҙенсәлектәргә эйә, бигерәк тә һуты файҙалы. Лимонарийҙа шулай уҡ банан емешләнгән.
Был банандар март айына өлгөрә. Лимонарийҙа банандарҙың тағы ла икенсе сорттары бар, әммә уларға үҫергә теплицала урын әҙерәк, шуға күрә емеш биреп өлгөрмәйҙәр.
Өфө лимонарийы теплицаларының майҙаны бер гектар, унда лимон, банан ғына үҫтерелмәй. Бында тропик һәм субтропик үҫемлектәрҙең 700-ҙән ашыу экзотик төрө бар. Шулай ҙа лимонарий үҙенең лимон һәм цитрус емештәрҙең төрлө сорттарын сығарыуы менән билдәле.
Өфө лимонарийында үҙенсәлекле лимон төрө үҫтерелә. Был сорт Салауат тип атала. Уның бер емешенең ауырлығы 2 килограммға барып етә. Быйыл аномаль һауа-торошона бәйле улар мул уңыш бирә алмай.
Быйыл Өфө лимонарийы үҙенең күркәм юбилейын билдәләне. 35 йыл эсендә лимонарий фәнни, белем биреү һәм экскурсия майҙансығына әүерелде. Өфө йыл әйләнәһенә ҡала халҡына һәм ҡунаҡтарына тропик йәйҙең бер өлөшөн бүләк итә алған үҙәктәрҙең береһе булып тора.
Лимонарийға йылына 50 меңдән ашыу кеше килә. Өфө лимонарийы тупһаһын үтеп, ҡыштан йәйгә эләгергә була.
