“Филантроп” премияһы номинанттары бүләкләнде
Республика Хөкүмәте эргәһендәге инвалидтар эше буйынса Координация советының сираттағы ултырышы бөгөн “Филантроп” премияһы номинанттарын бүләкләү тантанаһынан башланды. Хөкүмәт рәйесе урынбаҫары Салауат Сәғитов белдереүенсә, 2016 йылда илдә был премияға үҙенең ижади эштәрен донъяның 7 иле һәм Рәсәйҙең 64 төбәгенән 700-гә яҡын кеше тәҡдим иткән. Башҡортостандан дүрт кеше халыҡ-ара премия номинанты сертификатын алды.
