Заманса медицина учреждениеһы менән Радий Хәбиров та танышты. Теманы хәбәрсебеҙ Нурия Ғилмуллина дауам итә.
Урал Әхмәров Махсус хәрби операция ветераны. 2023-сө йылдың июнендә ул алғы һыҙыҡҡа юллана, 2024-се йылда яраланып кире тыуған яҡына әйләнеп ҡайта. Йәшәү урыны буйынса ветеран тап был дауаханаға беркетелгән. Махсус хәрби операция яугирҙары өсөн айырым кабинеттың булыуы ла бик ҡыуандыра, ти ир. Ысынлап та, үҙҙәрен аямай дошманға ҡаршы һуғышыусыларға һәм уларҙың ғаиләләренә ҙур иғтибар бүленеү мөһим, тип белдерә Башҡортостан башлығы. Дауаханаларҙа ла яугирҙарҙы ҡабул итеү өсөн шарттар булдырыла.
Нургөл Нәҙершина иһә 3 йыл дауаханаға килгәне булмаған. Ә бына капиталь төҙөкләндереү үткәрелгәндән һуң бында медицина ярҙамы алыуы күпкә уңайлыраҡ, ти ҡатын. Уны ҡабул иткән Айһылыу Искәндәрова 10 йыл элек Башҡорт дәүләт медицина университетын тамамлай. Хеҙмәт юлын тап был дауаханала башлай, әле терапевт вазифаһын башҡара. Ашығыс медицина ярҙамы клиник дауаханаһының 2-се поликлиникаһына 30 меңгә яҡын кеше беркетелгән. Бер сменала бында 500-гә яҡын кешегә медицина ярҙамы күрһәтелә. Дауаханала кабинеттар, диуарҙар яңырыу ғына түгел, заманса медицина ҡормалдары ла эшләй. Улар араһында маммограф та бар. 38 йәше тулған ҡатын-ҡыҙҙар йыл ярымға бер тапҡыр маммография мотлаҡ үтергә тейеш. Өфө Нурия Ғилмуллина Башҡортостанда һаулыҡ һаҡлау өлкәһенең беренсел звеноһына ҙур иғтибар бүленә.
Дауахананы ҡарарға тип республика башлығы ла килде. Төбәк етәксеһе яңыртылған бина менән яҡынданыраҡ танышты, табиптар һәм пациенттар менән аралашты.
Радий Хәбиров республиканың төрлө ҡала һәм районыдарына ғына түгел, Өфөләге һаулыҡ һаҡлау учреждеҙниеларына ла ҙур иғтибар бүлә. Ни өсөн башҡала дауаханалары элек төҙөлөп тә әле генә ниндәй ҙә булһа капиталь ремонт үткәрелеүгә лә аныҡ яуап һәм сәбәптәр бар. 30 йылдан ашыу төҙөклөндереү күрмәгән бинала хәҙер кабинеттар һаны 44 – тән 51 – гә тиклем артҡан, Ремонттан һуң төрлө медик тикшеренеүҙәр һанын арттырыу һәм йыл һайын 3 000-дән ашыу процедураны башҡарыу планлаштырыла.
