Башҡортостан башлығы Радий Хәбиров Тажикстан Илсеһе менән осрашты

Өфөлә был дәүләттең Рәсәйҙәге Ғәҙәттән тыш Һәм Тулы хоҡуҡлы Илсеһе Дәүләтшо Ғолмахмадзода етәкселегендәге Тажикстан делегацияһы эшләй. Радий Хәбиров менән осрашыуҙа иҡтисадта, гуманитар һәм социаль өлкәләрҙә хеҙмәттәшлекте нығытыу мөмкинлектәре тикшерелде. Тажикстанда алып барылған төп проекттарҙың береһе – Дүшәнбелә берлектәге Индустриаль парк. Былтыр уны төҙөү тураһында инвестиция килешеүенә ҡул ҡуйылғайны.