Башҡаларын иҫәпләп тә тормайым, ти ул. Сөнки тап баба яга беҙҙең һалдаттар, техника өсөн ҙур хәүеф тыуҙыра. Шуға күрә яугир тап уға һунар асҡан. Пилотһыҙ системалар батальонынан Айнур Кәбиров репортажы.
Әйтерһең дә бар донъя ус төбөндә. Юғарыла осҡан "орлан"дың үткер күҙенән ерҙәге бер хәрәкәт тә ситтә ҡалмай. Ә пилотһыҙ осоу аппараты үҙе күренмәй ҙә. Тәғәйен урынға барып етеү менән болоттарҙан түбәнерәккә төшөп күҙәтеү эшен башлай. Һауанан алынған күрһәткестәргә таянып барлыҡ ғәскәрҙәр ҙә бер механизм кеүек эш итә. Ә бит разведка-пилотһыҙ системалар батальоны мөмкинлектәренең бер йүнәлеше генә. Дрондар хәҙер күктә лә, һыуҙа ла, ерҙә лә. Пилотһыҙ аппараттар артиллерия, үҙ йөрөшлө хәрби техника, пехотаның да һөҙөмтәлелеген бермә бер арттыра. Шул уҡ ваҡытта бөтөнләй үҙ аллы ла эш итә ала. Ер аҫты юлдарының күпселек өлөшө тап бәреп төшөрөлгән дрондар менән биҙәлеүе лә ғәскәрҙең ни тиклем һөҙөмтәле булыуы тураһында һөйләй.
"Турок" ҡушаматлы яугир мәҫәлән февралдә генә 23 баба яга бәреп төшөргән. Ҡалғандарын һанап та тормайым, ти ул. Тәүҙә дошмандың ерҙәге техникаһын, нығытмаларҙы тар-мар итергә махсуслашһа, хәҙер ул һауалағы ҡоштарға таранға бара. Ә был инде юғары оҫталыҡ талап итә. “Турок” йәш яугирҙарҙы ла осорға өйрәтә. Әлегә өр яңы кейстан бер тапҡыр ҙа һауаға күтәрелмәгән дрон сығарыла. Оҙаҡламай улар ҙа дошманды ҡурҡыуҙа тотҡан ҡыйғыр ҡоштар булып күккә күтәреләсәк.
