Өфөнөң 96- сы лицейында 2025 йылда инженер һәм кадет кластары уҡыусылары өсөн өҫтәмә белем биреү түңәрәге асылды. Белем усағында әле киләсәк һөнәрҙәрен ничек үҙләштереүе хаҡында хәбәрсебеҙ Гөлфиә Мәҡсүтова.
Пилотһыҙ аппаратты өҫкә күтәреү — бик ҡатмарлы эш. Техника операторҙың һәр хәрәкәтен тойған кеүек, хатта тулҡынланыуын да. Идара итеү пульты артында алтынсы класс уҡыусыһы Данил Бочкун. БПЛА түңәрәгендә инде ике йыл шөғөлләнә. Әйткәндәй, мәктәп уҡыусыларының күнекмәләр өсөн шәхси зоналары ла бар. Осоу өсөн улар шулай уҡ иркен спорт залын ҡуллана. Әммә, уҡыусылар дрон менән идара итеүгә рөхсәт алғансы, теорияны үҙләштерә, һуңынан виртуаль донъяла пилотһыҙ аппараттар менән идара итергә өйрәнә.Ү ҙеңдең осоу оҫталығын "Ярыш" модулендә һынап ҡарарға мөмкин, ул реаль ҡатнашыусылар менән дә, боттар менән дә ярыша. Бында төп бурыс-пульт менән "дуҫлашыу " һәм джойстикҡа көс һалыуҙы теүәл генә итеп бүлергә өйрәнеү.
Был пилотһыҙ аппараттың боролоштарҙы шыма һәм ышаныслы үтеүе өсөн кәрәк.Был осоштарҙы өйрәнеү өсөн махсус симулятор ҡулланалар. Бында төрлө траекторияны үҙләштереү мөмкин, аппаратты ватыу йәки кешеләргә зыян килтереү ҡурҡынысы юҡ. Пилотһыҙ осоу аппараттары операторҙары әҙерләү үҙәге 2025 йылда "Пилотһыҙ авиация системалары" милли проекты ярҙамында эшләй башлай. Хәҙер бында осоу оҫталығын һигеҙенсе классҡа тиклемге 11 төркөм үҙләштерә. Был маҡсатта уҡыусыларҙың бәләкәй генә бүлмәһе бар, унда буласаҡ дрон моделдәре эшләнә.
Республика уҡыусылары белем усаҡтарынан сыҡмайынса пилотһыҙ осоу аппараты операторы һөнәре менән таныша. Балалар абруйлы конкурстарҙа еңеп, үҙ проекттарын тормошҡа ашырып, юғары һөҙөмтәләргә ирешә. Мәҫәлән, былтыр 96-сы лицей уҡыусыһы республика инженер форумы призеры була. Алда йәш пилоттарҙы төрлө ярыштар, яңы еңеүҙәр көтә.
