Соҡорҙан соҡорға һикереү – тап бала саҡтағы кеүек. Тик был инде уйын түгел, ә ысынбарлыҡ. Һәр яҙ һайын бер үк маҡсат – нисек тәгәрмәсте тишмәй йөрөп ҡайтырға? Өфө автоһәүәҫкәрҙәре хис-тойғоларын йәшермәй. Баш ҡала юлдары ҡаршылыҡтар һыҙатына әйләнә. Соҡорҙарға йорттар араһында ғына түгел, ә үҙәк урамдарҙа ла эләгеп тәгәрмәсте тишергә мөмкин.
Ҡала хеҙмәттәре юл япмаһын ремонтлауға тотондо ла инде. Эштәр тәүлек әйләнәһенә бара: һәр сменала биш бригада, кәм тигәндә 30 эшсе һәм 10 берәмек техника эшләй.Яҙғыһын юлдарҙы дымға ла, һыуыҡҡа ла бирешмәгән махсус асфальт менән ҡаплайҙар. Цифрлаштырыу торлаҡ-коммуналь хужалыҡ өлкәһенә лә барып етә. Был ҡоролма ярҙамында Рәйес Вәхитов соҡорҙоң тәрәнлеген үлсәй. Водителдәр соҡорҙарҙы ремонтлау менән ҡәнәғәт түгел. Улар әйтеүенсә, юлдарҙы тик үҙәк урамдарҙа ғына ремонтлайҙар, ә ҡала ситендәге соҡорҙар иғтибарһыҙ ҡала.Тиҙҙән баш ҡалала йәнә соҡорҙарҙы ямауҙың интерактив картаһы эшләй башлаясаҡ. Соҡорҙар һәм тишектәр тураһында ҡала халҡына шәхсән онлайн режимда хәбәр итеү мөмкинлеге булдырыла. Фото һәм адрес менән ғаризаны ҡала хакимиәте сайты аша бирергә мөмкин
