Дәүләт Думаһы махсус хәрби операцияла ҡатнашыусылар һәм уларҙың ғаилә ағзаларына ярҙам сараларын арттырҙы

Уларҙың береһе әгәр предприятиела штат ҡыҫҡартылһа, яугирҙың эш урынын ҡалдырыу хоҡуғын билдәләй. Икенсеһе яраланған һәм дауаланған Росгвардия хеҙмәткәре янына туғандарына бушлай барып етеү мөмкинлеге бирә. Тағы бер документҡа ярашлы, һәләк булған яугирҙың ҡатындары йә ирҙәренә юғары уҡыу йортона ингәндә квота бирелә. Дүртенсе ҡанун хәрби хәрәкәттәр инвалидтары һәм ветерандарының килемдәрен һаҡлауға ҡағыла.