Элемтәселәр — аныҡ мәғлүмәт тапшырып ҡына ҡалмай, ә яугирҙарҙың ғүмерен һаҡлап алып ҡалыу өсөн дә яуаплы. Алғы һыҙыҡта хәрби элемтәсе бик яуаплы эш.
Хәрби элемтәсе вазифа ғына түгел, ә тотош бер һөнәр. Яугир ҡорал һәм махсус ҡоролма менән дөрөҫ идара итеүҙән тыш, үҙенең техник элемтә сараһын ваҡытында һәм теүәл хеҙмәтләндерә белергә лә тейеш. Ҡайһы берҙә элемтә линияһының өҙөлөүен тылдан хәрби бәйләнеш һыҙығына тиклем эҙләргә тура килә. Ерҙә лә, бейеклектә лә эшләй алыу зарур, шуға күрә физик әҙерлек-төп өҫтөнлөк. Ә ҡайһы берҙә экстремаль шарттарҙа ла һөнәри оҫталыҡ талап ителә, дошман йоҡламай.
Элемтәне тағын да бер тапҡыр тикшереп сығалар һәм эш тамам. Хәҙер инде базаға табан юлланырға ла мөмкин – унда иһә яугирҙарыбыҙҙы тыуған яҡтары – Башҡортостандан килтерелгән күстәнәс көтә. Бишбүләк районынан Элина Суфьянова етәкселегендәге „Барыһы лафронт өсөн„ тип аталған битараф булмаған кешеләр төркөмө был юлы ла яугирҙарҙы ҡыуаныслы хәбәрҙәр, тәмлекәстәр, фронт өсөн кәрәк-яраҡтар менән ҡаршы алды.
