Уның ярҙамында 14 йәштән 17 йәшкә тиклемге үҫмерҙәр төрлө ойошмаларҙа рәсми рәүештә эшкә урынлаштырыласаҡ. Теманы хәбәрсебеҙ Нурия Ғилмуллина дауам итә.
Каникулды телфонда видео ҡарап сарыф итмәйем, үҙемә һәм ата-әсәйемә матди яҡтан ярҙам итәм. Тап ошондай фекер менән Илнур Бүләков рәсми рәүештә эшкә урынлашырға булған. Егеткә 17 йәш кенә булыуға ҡарамаҫтан, ул әленән үк хеҙмәт менән дуҫ булырға һәм аҡса табырға өйрәнергә кәрәклеген мөһим тип күрә. Әйткәндәй, был егеттең тәүге эш урыны түгел, быға тиклем ул паркта йыйыштырыусы булып, әле иһә тимер юлы вокзалында эшләргә йыйына.
"Юл күрһәтеүсе йондоҙ" тип аталған проект тап Илнур кеүек үҫмерҙәргә аҡса эшләү мөмкинлеге бирә лә инде.
Ә бына Арыҫлан Ғафаров ошо проект ярҙамында Шишмә районында эш табып та өлгөргән. Егеткә 14 йәш. Бала сағымдан ата-әсәйем, олатай-өләсәйҙәрем миндә эшкә һөйөү тәрбиәләне, спортҡа ла мин битараф түгел, ти ул.
Әле Шишмә районында 12 үҫмер "Юл күрһәтеүсе йондоҙ" проекты сиктәрендә эшкә урынлашҡан. Улар көнөнә 4 сәғәт хеҙмәт итә һәм айына 14 мең тирәһе аҡса эшләй ала.14 йәштән 17 йәшкә тиклемге үҫмерҙәр Рәсәй студент отрядтары йә «Работа России» кадрҙар үҙәгенә мөрәжәғәт итеп эшкә урынлаша ала.
