Башҡортостан һәм Мәскәү политехник университеты килешеүгә ҡул ҡуйҙы

Башҡортостан һәм Мәскәү политехник университеты араһында хеҙмәттәшлек тураһындағы килешеүгә ҡул ҡуйылды.
  • Башҡортостан һәм Мәскәү политехник университеты килешеүгә ҡул ҡуйҙы

Мәскәүҙә Радий Хәбиров Мәскәү политехник университеты ректоры Владимир Миклушевкий менән осрашып бәйләнештәрҙе нығытыу тураһында һөйләшеп килеште. Ҡул ҡуйылған килешеүгә ярашлы, фәнни-тикшеренеү эшмәкәрлеген үҫтереү, белемде камиллаштырыу, йәштәрҙең конкурстарҙа, олимпиадаларҙа, форумдарҙа ҡатнашыуына булышлыҡ итеү ҡарала. Мәскәү политехник университетында әле Башҡортостандан 201 студент белем ала. Радий Хәбиров университеттың матди-техник базаһы менән танышты, уға студенттар көсө менән эшләнгән уҙыш машинаһын да күрһәттеләр. Университет шулай уҡ эдектромотоциклдары менән дә билдәле. Осрашыу йомғаҡтары буйынса Радий хәбиров университет менән килешеүҙең мөһимлеген билдәләне.