Һауа торошо төбәктә ҡатмарлыҡтар тыуҙыра

Башҡортостан буйынса Ғәҙәттән тыш хәлдәр министрлығы, бөгөн республика биләмәләрендә көслө ел сығыуы һәм ҡойма ямғырҙар, айырым райондарҙа күк күкрәп боҙ-борсаҡ яуыуы тураһында иҫкәртә. Елдең тиҙлеге секундына 18-23 метрғаса етәсәк. Ҡотҡарыусылар йәйәүлеләргә ағас, реклама ҡоролмалары, электр сымдарына яҡын йөрөмәҫкә, водителдәргә алыҫ юлға сығыуҙан мөмкин тиклем тыйылырға саҡыра.