Бөгөн Башҡортостанда матбуғат һәм киң мәғлүмәт хеҙмәткәрҙәре көнө

Был дата 1998 йылда раҫланды. Теүәл 100 йыл элек ошо көндө Ырымбурҙа башҡорт милли газетаһы баҫыла башлаған. Республика ҡала һәм райондарында бөгөн 70-тән ашыу баҫма берҙәм мәғлүмәт даирәһен тәьмин итә. Башҡортостан гәзит-журналдарға яҙылыу ун көнлөгө йомғаҡтары буйынса иң яҡшы биш төбәк иҫәбенә инде. Республикала йәшәүселәр иһә 156 мең гәзит-журналға яҙылған. Был уҙған йылдың яҙғы декадаһына ҡарағанда 27 процентҡа күберәк.