Өфөлә яңы күпер барлыҡҡа килде

Уны Нижегородка биҫтәһендәге Долгое быуаһы аша төҙөгәндәр. Хәҙер урындағы халыҡҡа мәктәп һәм поликлиникаға барыу өсөн артыҡ саҡрымдар урап йөрөргә тура килмәйәсәк. Элек был урында борам менән сыға торған кисеү була, 2016 йылда уны авария хәлендә тип һүтәләр. Күпер төҙөлөшөнә 1 миллион һум аҡса сарыф ителгән, сығымдар Республика һәм ҡала бюджетынан бүленә, Нижегородка халҡы ла үҙ өлөшөн индерә.