Стәрлетамаҡ районында йомортҡа ҙурлығы боҙ яуған

Йәрәхәтләнеүселәр тураһында хәбәр ителмәй, әммә баҡсалағы уңышҡа ҙур зыян килгән. Быйылғы йәй халыҡты ғына түгел, синоптиктарҙы ла аптырата. Көн һайын яуған ямғырҙар ғәҙәти күренешкә әйләнә бара. Бөгөн республикала көндөң аяҙлы-болотло булыуы, ҡыҫҡа ваҡытлы ямғыр яуыуы, күк күкрәүе көтөлә. Йәшенле ямғырҙар йорт хайуандарын да аямай. Йылайыр районында йәшен өс йылҡыны атып үлтергән. Яңыраҡ Ейәнсура районында ла йәшен 78 баш кәзә-һарыҡты аттҡайны. Ә Учалы районында йәшендән кеше һәләк булды.