Өфөлә 50 кеше эвакуацияланды

Бөгөнгә ҡарай төнөн Өфөлә Адмирал Макаров урамындағы күп ҡатлы йорттан 50 кеше эвакуацияланды. Бында билдәһеҙ сәбәп буйынса бер фатир янып китте. Һәләк булыусылар һәм тәндәре бешеүселәр юҡ.Ә Стәрлетамаҡ ҡалаһында 9 ҡатлы йорттағы янғында, ҡыҙғанысҡа ҡаршы, сабыйҙың ғүмере өҙөлдө. Тағыла ике ҡатын төтөнгә ағыуланып дауаханаға һалынды. Янғын һүндереүселәргә 40-ҡа яҡын кешене имен урынға күсерергә тура килде. Утты һүндереүгә ике сәғәт самаһы ваҡыт талап ителде.