Башҡорт Википедияһы үҙенсәлекле бүләк яһаны

Викимедиа фондының тел комитеты Викидәреслектең башҡорт телендәге бүлеген раҫланы. Проектҡа ba.wikibooks.org тигән домен адресы бирелде. Башҡорт Викидәреслеге донъяла 80-се бүлек булып танылды. Викидәреслек – ирекле мәғлүмәт таратыу нигеҙҙәре буйынса эшләй. Әлегә унда башҡорт телендә яҙылған 900-гә яҡын мәҡәлә-белешмә бар. Ойоштороусылар билдәләүенсә, был проект бик әһәмиәтле буласаҡ һәм күп файҙа килтерәсәк.