Өфө урамдарының береһенә Рәсимә Кәримова исеме биреләсәк

Беҙҙең телерадиокомпания Башҡортостан телевидениеһы легендаһының исемен мәңгеләштереү тәҡдиме менән ҡала хакимиәтенә мөрәжәғәт иткәйне. Эксперт комиссияһы тәҡдимде хуплап сыҡты һәм әлеге ваҡытта Өфөнөң Киров йәки Ленин районындағы урамға яңы исем ҡушыу варианттары ҡарала. Рәсимә Кәримова төбәк телевидениеһының тәүге дикторы, 30 йыл ғүмерен яратҡан эшенә бағышланы. Ул быйыл 78 йәшендә 21 июндә Өфөлә донъя ҡуйҙы.