Бөгөндән бурыслыларға сит илдәргә сығыу ҡағиҙәләре бер аҙ йомшартыла

1 октябргә тиклем хатта 10 мең һум бурысы булғандар ҙа сит илгә сыға алмай ине. Ошо сәбәпле күптәрҙе, йылы илдәргә юлламалары булһа ла, аэропорттан кире бороп ҡайтара торҙолар. Ә хәҙер, 190-сы федераль законға индерелгән үҙгәрештәргә ярашлы, бурыс 30 мең һумдан ашмаҫҡа тейеш. Әммә алимент, һаулыҡҡа килтерелгән зыян өсөн түләүҙәр буйынса бурыстары булыусылар, ҡәҙимгесә, сит илдәргә сығарылмаясаҡ.