Урамдарҙы таҙартыусы машиналарға ҡамасаулаған транспорт хужаларына ҡарата саралар күреләсәк

Юл хәрәкәте инспекцияһы тәгәрмәстәрҙе ҡышҡыларына алыштырыуҙы һорамай, хәҙер инде талап итә. Сөнки кисә теркәлгән күп авариялар тап шул бошмаҫтар арҡаһында килеп сыҡҡан да инде. Бынан ары урамдарҙы ҡарҙан таҙартыусы машиналарға ҡамасаулаған транспорт хужаларына ҡарата ла етди саралар күреләсәк. Бөгөн Дәүләт Йыйылышы-Ҡоролтайҙа үткән ултырышта ошо турала һүҙ барҙы.