Рәсәйҙә һәр өсөнсө кеше яҡындарына Яңы йыл бүләктәре алмай

HeadHunter агентлығы уҙғарған фекер белешеүҙән күренеүенсә,кешеләрҙең 30 процент тирәһе аҡса яғы наҡыҫ булыуға һылтана.Күптәр кәнфит, йәки шоколад бүләк итергә йыйына. Косметика, хушбый әҙерләүселәр ҙә байтаҡ. Бүләк итеүҙән айырмалы, алырға теләүселәрҙең ихтыяжы башҡасараҡ. Респонденттарҙың һәр өсөнсөһө бүләккә өҫ йәки аяҡ кейеме теләй. Планшет-ноутбук тураһында хыялланыусылар -24, китап яратыусылар 19 процент. Шыршы төбөндә театр йәки киноға билет алырға теләүселәр бармаҡ менән генә һанарлыҡ, тип яҙа HeadHunter.