Башҡортостанда сәнәғәт етештереүе күләме арта

Башҡортостанда сәнәғәт етештереүе күләмдәренең артыуы Рәсәй баҙарында төбәктең позицияларын нығытты. Беҙҙең республика эшкәртеүгә килгән нефть, дизель яғыулығы, кальцийланған сода, бензол һәм башҡа бик күп төрлө тауарҙар сығарыу буйынса илдә беренсе урынға сыҡты. Үткән йылдың 11 айында сәнәғәт тауарҙары етештереүселәр 1 триллион 400 миллиард һумлыҡ эштәр һәм хеҙмәттәр күрһәткән. Был күрһәткес буйынса Башҡортостан Рәсәйҙә иң көслө төбәктәр исемлегенә инә.