Республикала грипп менән ауырыусылар юҡ

Ғинуарҙың һуңғы аҙнаһында Башҡортостанда киҫкен респиратор вирус инфекцияһы менән 19 меңдән ашыу кеше табиптарға мөрәжәғәт иткән. Уларҙың 13 меңе-балалар. Роспотребнадзорҙың төбәк идаралығынан хәбәр итеүҙәренсә, хәүефләнергә урын юҡ. Ауырыусылар һаны эпидемия кимәленән 12% түбән. Республикала грипп менән ауырыу осраҡтары асыҡланмаған.