Өфөләге һайлау участкаһында бюллетендәрҙе эшкәртеү комплекстарының төҙөклөгө тикшерелде

Үҙәк һайлау комиссияһының мәғлүмәт үҙәге участка һайлау комиссияһы ағзалары һәм киң мәғлүмәт саралары вәкилдәрен КОИБ-тарҙың мөмкинлектәре менән таныштырыу өсөн тауыш биреү мәлен ойошторҙо.Һайлау бюллетендәрен эшкәртеү комплекстары 219 участкала урынлаштырыла. Республиканың Үҙәк һайлау комиссияһы ҡарары буйынса улар бер меңдән күберәк һайлаусы теркәлгән участкаларға бүленә. 115-се һайлау участкаһында иһә КОИБ-тың 2017 йылғы өлгөләре ҡуйыла. Башҡала һайлаусыларының тауышын ошондай 33 комплекс иҫәпкә аласаҡ. Рәсәй Президенты һайлауында QR-код та ҡулланыла. Был иһә мөһим документта төҙәтмәләр йәиһә хаталарҙы иҫкәртә.