Меңгә яҡын кешене берләштергән рухлы сара

“Өфө уттары” күңел асыу комплексында башҡортса сираттағы дискотека үтте. Төрлө конкурстарҙа еңеүселәргә унда ҡиммәтле бүләктәр тапшырылды. Зарифа Янбаева Межгорье ҡалаһынан килгән. Милли кейем кейгәндәр араһында конкурс буласағын ишеткәс, камзул, түшелдеректәр, хатта ситектәрҙе лә бер ай элек хәстәрләй башлай ул.Бейеү майҙансығы гөрләп торҙо. Сараға килгән һәр кем башҡорт йырҙарына, музыкаһына күңелен асты.Легендар ҠАРУАНһарай төркөмөнөң беренсе составы менән сығыш яһауы йәшен дә олоһон да әсир итте.Йондоҙло башҡорт дискотекаһына Өфөнән генә түгел, ә сит өлкәләрҙән килеүселәр ҙә бихисап ине.Сараға килеүсе ҡунаҡтар өсөн оҫталыҡ дәрестәре лә ойошторолдо.Бындай сара ойоштороу бик тәрән мәғәнәгә эйә. Ул йәштәргә үҙ тамырын белергә, милли рух тәрбиәләргә ярҙам итә.Башҡорт йәштәрен туплау, халҡыбыҙҙың милли йолалары менән таныштырыу маҡсаты менән үткәрелгән бындай дискотека киләсәктә лә ойоштороласаҡ.