Фәндәр академияһында Башҡортостандың технологик инициативаһы проектының бойомға ашырылыуына байҡау яһалды. Үткән йылда ғәмәлгә ингән проект буйынса юл картаһы төҙөлгәйне. Бөгөн үткән ултырышта өҫтөнлөклө фәнни тикшеренеү йүнәлештәре аталды. Медицинала – атеросклероз, ир-егеттәрҙең түлһеҙлеген дауалау, яман шешкә ҡаршы көрәш юлдарын табыуға бәйле тикшеренеү эштәренә өҫтөнлөк бирелә. Агросәнәғәттә – ит етештереүҙе арттырыу, тупраҡтың уңдырышлылығын күтәреү, кукуруз һәм көнбағышты үҫтереүҙә сығымдарҙы аҙайтыуға йүнәлтелгән strip-till технологияһын индереү бурысы тәү сиратҡа ҡуйылған. Шулай уҡ төбәк өсөн яңы йүнәлеш — спортсылар өсөн ризыҡтар етештереү технологияларын булдырыу күҙаллана. Тирә-яҡ мөхитте һаҡлау мөһим урынды биләй. Был йүнәлештә халыҡты эсәр һәм хужалыҡ өсөн яраҡлы һыу менән тәьмин итеү өҫтөнлөклө проекттарҙың береһе һанала.
Өҫтөнлөклө фәнни тикшеренеү йүнәлештәре
Тулыраҡ: Өҫтөнлөклө фәнни тикшеренеү йүнәлештәре
