Өфөлә Советтар Союзы Геройы Александр Пикунов йәшәгән йортта таҡтаташ асылыуы ихтимал

Ошо туралағы мөрәжәғәт менән яугирҙың тормош иптәше Габриэль Пикунова Башҡортостан буйынса баш федераль инспектор Михаил Закомалдинға мөрәжәғәт итте. Геройҙың хәләл ефете әйтеүенсә, уның таҡтаташ ҡуйыу тураһындағы мөрәжәғәтенә бер-нисә йыл дауамында аныҡ яуап алынмаған. Баш федераль инспектор Михаил Закомалдин һүҙҙәренә ҡарағанда, был мөрәжәғәт хәҙер айырым иғтибарға алынып, яҡын арала ыңғай хәл ителәсәк.