Алыҫ юлға сыҡмаҫҡа кәңәш ителә

Башҡортостан юл хәрәкәте хәүефһеҙлеге дәүләт инспекцияһы бөгөн юлдарҙа айырыуса һаҡ булырға саҡырып водителдәргә мөрәжәғәт итте. Ҡар яуыу сәбәпле юлдарҙа ҡар һырынтылары барлыҡҡа килде, транспорт хәрәкәте ҡатмарлашты. Синоптиктар мәғлүмәттәренә ҡарағанда, киләһе өс көндә лә республика буйынса күпләп ҡар һәм ямғыр яуыуы, көндөҙ һауа температураһының +3 градусҡаса күтәрелеүе көтөлә.