- Рәсәй оборона министрлығы “Әшрәр аш-Шам” террорсыларын ташыған автобустар колоннаһын видеоға төшөрөп алған. Бер тәүлектә генә был ойошма яҡлы 5 мең террорсы Көнсығыш Гутанан сыҡҡан. Маршрутта Сүриә полицияһы һәм һуғышыусы яҡтарҙы яраштырыусы үҙәк офицерҙары именлек тәьмин итә.
- Рәсәйҙең Америкалағы илсеһе Анатолий Антонов рәсәй дипломаттарын ҡайтарыу һәм Сиэтлда рәсәй консуллығын ябыуға етди ҡаршы булыуын белдерҙе. Рәсәй-Америка мөнәсәбәттәрен ҡаҡшатыуҙа Ҡушма Штаттар ғәйепле, быны яуапһыҙ ҡалдырырға ярамай, тине дипломат.
- Америка ҡалаларында ҡорал әйләнешен ныҡлы күҙәтеүгә алыуҙы талап итеп күләмле акциялар үтте. Нью-Йоркта ғына 150 мең кеше урамдарға сыҡҡан. 14 февраль Парклендтағы мәктәптәрҙең береһендә уҡыусы 17 кешене атып үлтергәндән һуң илдә демонстрациялар туҡтағаны юҡ.
- Ҡытайҙың Нанкин ҡалаһындағы ресторандарҙың береһендә омарҙы уйын автоматында тоторға мөмкин. Тота алмаһаң 10 юаньдан, беҙҙең аҡсаға әйләндергәндә 90 һум аҡсаңдан ҡолаҡ ҡағырға тура киләсәк.
Рәсәй һәм донъя хәбәрҙәре
Тулыраҡ: Рәсәй һәм донъя хәбәрҙәре
