Тәүге өмәгә йомғаҡ яһалды

Республиканың тәбиғәттән файҙаланыу һәм экология министрлығы тәүге өмәгә йомғаҡ яһаны. Унда 53 меңдән ашыу кеше ҡатнашҡан. Ҡаты көнкүреш ҡалдыҡтары полигондарына 900 тонна самаһы сүп-сар сығарылған. Был эшкә 1 меңдән ашыу берәмек техника йәлеп ителгән. Өмәләр скверҙарҙа, парктарҙа, мәктәп, балалар баҡсалары һәм медицина учреждениелары биләмәләрендә үтте.