Ғәҙәттән тыш хәлдәр министрлығы ойошторған был сарала теләгән һәр кем ҡатнаша ала. Бөгөн Яҡутов паркындағы Һалдат күле таҙартылды. Пластик шешәләр, консерва һауыттары, быяла һәм һәм хатта аяҡ кейемдәре — был "табыш" Өфөләге Һалдат күле төбөнән сығарылған. Һыуҙа ятып, улар тирә-яҡтағы экологияға баһалап бөткөһөҙ зыян килтерә. Яҡутов паркындағы Һалдат күлен таҙартырға Өфөнөң водолаздар мәктәбе уҡыусылары ярҙам итте. Файҙа килтереү менән бер рәттән, улар тәжрибә лә туплай. Һалдат күле — тәүге объект. Артабан ойоштороусылар баш ҡаланың һәм республика райондарындағы башҡа һыу ятҡылыҡтарын да тәртипкә килтерәсәк. Башҡортостанда был акция 30 майға тиклем дауам итә. Уның маҡсаты — һыу буйҙарын таҙартыу менән бер рәттән, йәмәғәтселектең дә ошо экологик сарала ҡатнашыуы аша кешеләрҙә тәбиғәткә һаҡсыл ҡараш тәрбиәләү.
Өфө “Таҙа яр” бөтә Рәсәй экологик акцияһына ҡушылды
Тулыраҡ: Өфө “Таҙа яр” бөтә Рәсәй экологик акцияһына ҡушылды
