“Халыҡ һаулығы көндәре” сиктәрендә Матросов паркында республика сәләмәтлек үҙәктәренең күсмә медицина станциялары ҡабул итеү ойошторҙо. Йәштәр һәм балалар майҙанда иғлан ителгән ярыштарҙа ҡатнашҡан арала ата-әсә сәләмәтлеген бушлай тикшереү мөмкинлеген файҙаланды. Республика кардиология диспансеры башланғыс һалған акция быйыл бишенсе тапҡыр үтә. Табиптар һаулыҡты көнэлгәре хәстәрләргә өндәй. Сараның маҡсаты – донъяның күпселек илдәрендә үлем осраҡтарының төп сәбәпсеһе булған сирҙәрҙе иртә асыҡлау һәм иҫкәртеү. Рәсәйҙә үлем осраҡтарының 76 процентына йөрәк-ҡан тамырҙары, үпкә, эндокринология сирҙәре һәм яман шеш сәбәпсе. 40 процентҡа тиклем осраҡта ауырыу 60 йәшкә етмәгән кешеләрҙә табыла. Күсмә медицина станцияларында ультратауыш менән тикшереү, электрокардиограмма яһау, ҡан баҫымын үлсәү, теш, күҙ сәләмәтлеген асыҡлау кеүек һәм башҡа хеҙмәттәр күрһәтелде. Бер көндә һәр станция уртаса дүртйөҙ кешегә төрлө тикшеренеүҙәр үткәреп өлгөрә.
Өфө һәм башҡала ҡунаҡтары сәләмәтлек байрамында ҡатнашты
Тулыраҡ: Өфө һәм башҡала ҡунаҡтары сәләмәтлек байрамында ҡатнашты
