Дәүләкән районында һабантуй байрамы үтте

Иртүк һабантуй майҙаны йыр-моңға күмелде. Кәйефте насар һауа торошо ла боҙа алманы, халыҡ ихлас итеп ял итте, тамаша ҡараны. Тирмәләр янында күргәҙмәләр ойошторолғайны, һәр килгән ҡунаҡты хужалар йыр-моң, самауыр сәйе, ҡымыҙ менән ҡаршы алды, өҫтәлдәр ҙә милли ризыҡтарҙан, аш-һыуҙарҙан һығылып торҙо. Шулай уҡ килгән ҡунаҡтар йола буйынса, ат сабышы, юртаҡтарҙың алышын яратып күҙәтте. Ат ярышынан һуң, халыҡ төрлө спорт ярыштары, милли уйындар үткәрелгән майҙансыҡтарға ашыҡты.