Бөгөн Башҡортостан парламенты 5-се саҡырылыштағы эшмәкәрлегенә йомғаҡ яһаны

Тәүҙә ултырышта илленән ашыу закон проекты ҡаралды. Улар араһында республика ҡаҙнаһына ҡағылышлылары ла бар ине. Дәүләт Йыйылышы Ҡоролтайы депутаттары шулай уҡ, юлдар торошо, граждандарҙың һаулығы, медицина, тарихи һәйкәлдәр, ҡомартҡылар хәле, торлаҡ-коммуналь хужалыҡ тармағы, мәҙәниәт мәсьәләләренә ҡағылышлы норматив документтарҙы ла ҡараны.