Күсмә халыҡтар уйындары

Спорттың этник төрҙәре буйынса турнир Әбйәлил районында үтте. Унда ҡатнашыусылар көрәш, уҡтан атыу, ат сабыштары кеүек яраштарҙан тыш,”Ылаҡ” уйынында ла көс һынашты. Уның еңеүселәре Ҡырғыҙстанда сентябрҙә уҙғарыласаҡ Бөтә донъя күсмә халыҡтар уйындарында ҡатнашыу хоҡуғын ала. Байрам 4 мең ярмыдан ашыу кешене йыйған. Тамашасылар күрше төбәктәрҙән дә килгәйне.