“Салауат юлдары менән” экспедицияһы Эстониянан ҡайтты

Башҡорт халҡының милли батыры Салауат Юлаев үҙенең һуңғы көндәрен үткәргән Рогервик ҡәлғәһенән кинематографистар таш алып ҡайтып Өфөлә уның һәйкәленә һалды. Өс аҙна эсендә был үҙенсәлекле проектта ҡатнашыусылар 13 ҡалала булып башҡортостан тураһында фильмдар күрһәткән, милли костюмдар күргәҙмәһе ойошторған.