Шипкән уңышы

Федоровка районының «Яҫаҡлы» крәҫтиән-фермер хужалығы былтыр беренсегә сәсеп ҡараған шипкән культураһын һуғып алды. Техник май һығып биологик яғыулыҡ, һабын етештереүҙә сеймал булараҡ ҡулланылған шипкәнде хәҙер һатып алырға теләүселәр ҙә арта. Сәселгән иген культураһын түкмәй-сәсмәй һуғып алыу өсөн өр-яңы техника һәм комбайнсының тәжрибәле булыуы хуп. Насыровтар ғаиләһе өсөн быйылғы уңыштың күләме һәм кимәле бигерәк тә ҡыҙыҡһындыра. Көндәрен баҫыу эшендә үткәргән ғаилә былтыр беренсегә шипкән сәсеп ҡараған. Ҡышты үткәргән шипкән культураһының ыңғай яҡтары күберәк, тип һанай хужалыҡ. Баҫыуҙа сүп үләне үҫеп, артыҡ мәшәҡәт тә тыуҙырмай, көкөрт еҫле һабаҡтары баҫыуға малды килтермәй. Әммә орлоҡтары ваҡ булыу сәбәпле, йыйыу-таҙартыу эштәрендә ҙур иғтибар талап итә. Йыйып алынған шипкәндең майын һығып, шулай уҡ биологик яғыулыҡ, һабын етештереүҙә сеймал булараҡ та файҙаланалар. Бөтәһе биш баҫыу тотҡан Насыровтар ғаиләһе өсөн шипкән ҙур уңыштарҙың береһе. Әле иһә ике баҫыуҙан иген культураһы йыйып алынған. Үҙенә яңы асыш яһап та, сәсеүлек эшен киңәйтеү маҡсаты менән дә шипкән үҫтереп ҡараған хужалыҡтан хәҙер был культураны һатып алыусылар һаны ла етәрлек. Юғары килемгә иҫәп тотҡан Насыровтар ғаиләһе бөгөн тап шипкәндә тотороҡло табыш сығанағын күрә.