Өлөшсөләр өсөн ҡыҙыу линия

Алданған өлөшсөләр өсөн ҡыҙыу бәйләнеш эшләй башлағандан алып 200-ҙән ашыу кеше мөрәжәғәт иткән. Башҡортостандың Төҙөлөш һәм архитектура буйынса дәүләт комитетынан хәбәр итеүҙәренсә, шылтыратыусылар йышыраҡ төҙөлөштөң ҡасан тамамланыуы тураһында белешә. Уларға объекттарҙа төҙөлөш эштәренең барышы, «юл карталары» һәм билдәләнгән саралар тураһында аңлатмалар бирелә. Өлөшсөләр өсөн ҡыҙыу бәйләнеш үткән аҙнала асылғайны.