Башҡортостан етәксеһе Радий Хәбиров бөгөн республика райондарында сәсеү кампанияһы барышы менән танышты

Радий Фәрит улы Ҡырмыҫҡалылағы “Артемида” йәмғиәтендә булып, ауыл эшсәндәрен борсоған мәсьәләләр менән ҡыҙыҡһынды. Бөгөн етештереүселәр шыйыҡ ашламалар алыуҙа дәүләт ярҙамына мохтаж. Әйткәндәй, республика ҡаҙнаһында был сығымдар өсөн аҡса етерлек. Радий Хәбиров ауыл хужалығы министры вазифаһын башҡарыусы Илшат Фазрахмановҡа ошо йөкләмәләрҙе үтәү бурысын ҡуйҙы. Дөйөм алғанда, кооперативтар сәсеүҙе июндең унына тиклем теүәлләргә уйлай.