Хәйерле иртә, Республика! - 26.07. 2023 Ярҙам саралары

Был аҙналағы оператив кәңәшмәлә Радий Хәбиров Республика Башлығы гранттарын алыуға ғаризалар ҡабул итеү кампанияһында хәрбиҙәргә ярҙам күрһәтеүсе ойошмаларға айырыуса иғтибар бүлергә ҡушты. Иҫегеҙгә төшөрәбеҙ, әле төбәктә махсус хәрби операцияла ҡатнашыусыларға һәм уларҙың ғаиләләренә 33 төрлө социаль ярҙам саралары күрһәтелә. Улар тураһында тулыраҡ мәғлүмәтте студияның бөгөнгө ҡунаҡтары еткерәсәк. "Ватанды һаҡлаусылар” дәүләт фондының төбәк филиалы етәксеһе Гөлнур Ҡолһарина һәм “Ватан яугирҙәре ғаиләләре комитеты”ның төбәк бүлексәһе еткәсеһе Эльвира Мацкевич.