Республика йәмәғәтселеге Башҡортостандың халыҡ шағиры Рауил Бикбаевты һуңғы юлға оҙата

Ҡәләм оҫтаһы 81-се йәшендә вафат булды. Ырымбур өлкәһенең Үрге Ҡунаҡбай ауылында донъяға килгән Рауил Төхвәт улы милли әҙәбиәттең сағыу вәкилдәренең береһе. Уның бихисап шиғырҙары, поэмалары төрки ҡәүемдә генә түгел, ә халыҡ-ара кимәлдә танылыу тапты. Рауил Бикбаев Башҡортостан гимны һүҙҙәренең авторҙашы. Мәрхүм менән хушлашыу көндөҙгө 11 сәғәттә Дәүләт Йыйылышы -Ҡоролтай Йортонда уҙа.