Башҡортостан мосолмандар Диниә назаратында яңы рәйес

Башҡортостан мосолмандар Диниә назараты рәйесе Нурмөхәммәт Ниғмәтуллин биләгән вазифаһын ҡалдырҙы. Был турала ул бөгөн рәсми рәүештә Президиум ултырышында хәбәр итте. Ошо уҡ президиумда Диниә назараты рәйесе вазифаһын ваҡытлыса башҡарыусы итеп, мөфтөй урынбаҫары Айнур хәҙрәт Бирғәлин һайланды. Иҫегеҙгә төшөрәбеҙ, Нурмөхәммәт хәҙрәт Ниғмәтуллин Диниә назаратына 1992 йылдан алып рәйеслек итте. Ул мөфтөй булып эшләгән осорҙа республикала 800-ләп мәхәллә теркәлде.