Башҡортостан “Георгий таҫмаһы” Бөтә Рәсәй акцияһына ҡушылды

Бөйөк Еңеүҙең 74 йыллығы алдынан йәмәғәт ойошмаһы ағзалары республика буйынса 20 меңдән ашыу “Георгий таҫмаһы” тарата. Георгий таҫмаһы ниндәйҙер мода түгел, ә фронттан ҡайта алмаған ватандаштарыбыҙ иҫтәлеге. Таҫма машинаға, баш кейеменә йә сумкаға түгел, тик кейемдең йөрәк тәңгәлендәге өлөшөнә тағыу өсөн сығарыла. Ирекмәндәр “Георгий таҫмаһы” менән бергә белешмә ҡағыҙы ла тарата. Унда Еңеү символын йөрөтөү тураһында ҡағиҙәләр яҙылған.