Республикала балалыҡ, әсәлек һәм ғаилә мәнфәғәтен яҡлау, артабан да өҫтөнлөклө йүнәлеш булып ҡаласаҡ. Дөрөҫөрәге, ул социаль сәйәсәт нигеҙе булырға тейеш. ОШо хаҡта Башҡортостан етәксеһе Радий Хәбиров Дәүләт Йыйылышы – Ҡоролтайға йыллыҡ мөрәжәғәтнамә менән сығыш яһағанда белдерҙе.
Ғөмүмән, республиканың тап мәғариф системаһында яҡын йылдарҙа ҙур үҙгәрештәр булырға тейеш. Уларҙың береһе балалар өсөн өр-яңы 49 баҡса асыу. Әйткәндәй, яңы үҙәктәр Сибайҙағы “Аленушка” балалар баҡсаһына тиңләшергә тейеш. Радий Хәбировтың сығышында ошо хаҡта айырым әйтелгәйне.
Бөгөн беҙҙә ҡунаҡта тап ошо балалар баҡсаһы тәрбиәселәре — Гөлсара Салауат ҡыҙы Мөхәмәтйәнова, Гөлназ Билал ҡыҙы Исламғолова менән мөдир Сажидә Рәйес ҡыҙы Хоҙайбирҙина.
